2014(e)ko urriaren 31(a), ostirala

ARTELANA: Gure basoa






Gustatu al zaizue gure baso koloretsua? Polita ezta?
Gustura ibili gara makilak margotzen, denen artean apaintzen eta bukatzeko gure lorategietako udazken koloreei bizitasuna ematen.








2014(e)ko urriaren 29(a), asteazkena

ETXETXOAK EZAGUTZEN



Kaixo lagunok!!

Hiru urteko gelako kideok ‘Hiru txerrikumeak’ ipuina lantzen ari gara unitate didaktiko honetan, eta ez dakizue zein aditu bihurtzen ari garen etxe moten inguruan. Badakizue: hiru txerritxoek lastozko, egurrezko eta harrizko etxeak egin zituzten, hurrenez hurren. Eta hori aitzakia hartuta, joan den astean kale buelta txiki bat egin genuen Andoaingo etxeak zer nolakoak diren ikusteko. Eta bai! A ze poza! Ikusitako etxe guztiak harrizkoak edo adreiluzkoak dira, eta beraz, otsoa etorrita ere salbu gara!!

Horrez gain, beste egun batean, hiru txerrikumeen etxeetako materialak bertatik bertara ikusteko aukera ere izan genuen. Putz eginda ea mugitzen diren probatzeko aukera izan genuen, baita zenbaterainoko sendoak diren ikusteko ere.

Ikusi, ikusi argazkiak… Kalean nahiz gelan, ederki pasa dugu benetan!!








2014(e)ko urriaren 27(a), astelehena

Iupi! Lehenengo mailan gaude!


Kaixo familia eta lagunok!

Aldaketaz beteriko kurtso hasierari aurre egin eta gero, dagoeneko martxa hartu diogu lehenengo mailari eta zuei horren berri ematera gatoz.

Ilusioz beteta ekin genion irailean kurtso berriari eta hasieran nahiko lan izan genuen gure material berri guztia ordenatu eta txukun txukun jartzen. Horrez gain, bakoitzak bere mahitxoa eta mahai txokoa ere badugu, ez pentsa, oraindik ere gauza lehenengoan bilatzea ez zaigu erraza egiten!

Gogoz ari gara lanean eta dagoeneko irakurketako eta idazketako lehen urratsak eman ditugu. Soinketan ere primeran pasatzen dugu eta laister igerilekura joaten hasiko gara, a ze martxa!

Hemen uzten dizkizuegu argazki batzuk, ondo izan!










2014(e)ko urriaren 13(a), astelehena

TRIKUA

Gelara trikua ekarri eta berari begira egon gara. Bai polita!




GARRAIO MOTAK EZAGUTUZ

Garraio motak ezagutzen ari gara eta herrian bultatxo bat egin dugu. Autobus geltokia, autobusak, tren geltokia eta trenak ikusi ditugu. Trenak ziztu bizian pasa dira eta aze burrunba!




TXIKITXU BERRIAK IKASTOLAN

Egun bereziak bizi berri ditugu.
Ikastolako jarduera, espazio eta lagun berriei egokitzea tokatu zaigu, eta egia esan, ez da lan samurra izan. Baina badakizue? Txapeldun batzuk gara, bai horixe! Eta gure etxekoen zein andereƱoen laguntzarekin, lortu dugu; poz-pozik gabiltza ikastolan!!!