2010(e)ko martxoakren 25(a), osteguna

GU ERE SUKALDARI FINAK GARA!!!

Gaur hiru urteko ikasleok sukaldari txapela buruan jantzi dugu  eta  janari ezberdinak prestatu ditugu. Denetik egin dugu: arrautza frijitua patatekin, saltxitxak, kroketak, espagetiak, kalamarrak,..

Gose ederra pasa dugu egiten aritu garen bitartean. Zuei ere jateko gogoa jarriko zaizue argazkiak ikusitakoan. On egin!!!








2010(e)ko martxoakren 11(a), osteguna

MAZEDONIA

Goizean merkatuan erositako fruta pilarekin arratsaldean mazedonia prestatu genuen. Sukaldeko mantala eta txapela jantzi eta frutei azala kentu eta zatitu egin genituen. Ontzi batean nahastu, azukrea bota eta... barrura! Bai goxoa zegoela, ez genuen ezer ere utzi!



MERKATUA EROSKETAK EGITERA

Astearte goizean herriko merkatura joan ginen erosketak egitera. Ez genuen lan makala, 4 sagar, 4 platano eta 4 laranja erosi behar genituen-eta. Erosketak egin, ordaindu eta, bide batez, mertuan salgai zeuden gauzak ikusi genituen. Arropak, goxokiak, pastelak, barazkiak, alfonbrak... zenbat gauza! Jator-jator ibili ginen eta oso gustura itzuli ginen ikastolara.



2010(e)ko martxoakren 2(a), asteartea

SEINALEAK ETA GURE HERRIA EZAGUTZEN!

18 urte ez ditugun arren, eta gidatzeko baimena izateko aukerarik ez dugun arren, hasiak gara errepideko seinale batzuk ikasten: stop, utzi pasatzen, norabide bakarra, kontuz haurrak, ez aparkatu, ez pasa, ... Hauek gertutik ezagutzeko, kalera atera gara, eta taldeka ikusitako seinale guztiak identifikatu eta zenbatu ditugu. Andoainen seinale asko daudela konturatu gara, eta ikasitako guztiak topatu ditugu, gu bai azkarrak! Lehenengo aldia da kalean taldelanean aritu garela, eta argazkietan ikus dezakezuen bezala, fin-fin aritu gara lanean.




Gure herriko udaletxea eta eliza marraztera ere atera gara eta ez dakizue zein nolako artistak eginak gauden!!