Bazkardoko Txokoa

2010(e)ko maiatzaren 17(a), astelehena

4 anaiak

HH 4 urteko haurrek 4 anaiak izeneko antzezlana antzeztu zuten gurasoentzat. Harrituta geratu ziren guztiak gure ikasleek antzezlanerako duten doaiekin.Ikusi nahi al duzue?.Hona hemen ba bideoa:

HH4A

HH4B

HH4D

2010(e)ko apirilaren 27(a), asteartea

ANIMALIAK IKUSTERA

Baserriko animaliak ikustera joan gara eta oiloak, oilarra, untxiak, ardiak, arkumeak, aharia eta txakurra ikusi ditugu. Baratza ere ikusi dugu, eta baita, bertako barazkiak ere: zerbak, porruak, tipulinak, letxuak. Belar meta ere ikusi dugu eta baita sutarako egur pila ere. Asko ikasi dugu gaurkoan!

ERREZETA!!

Oraingoan errezeta bikainarekin gatoz. Ea zuek ere animatzen zareten etxean egitera. Laranjak eztia, nata eta intxaurrekin jan genituen eta ez dakizue zein goxoa zegoen, segituan gelditu ziren mahai gaineko plater guztiak ezer gabe!

Lehenengo, laranja xerratu genuen eta platerean jarri gero gainean intxaurrak jarri, ezti pixka bat bota eta azkenik nata bota. Postre bikaina egin genuena! Zein goxoa!

Bueno ba bueltatuko gara berri gehiagorekin! Aiooo!

2010(e)ko apirilaren 15(a), osteguna

Txotxongiloak!!

Kaixo guztioi!

Oporrak ondo igaro al dituzue?. Guk ere primeran pasa ditugu eta oporretatik ikastolako buelta atseginagoa izan dadin, Txotxongiloak ikustea joan ginen. Aho zabalik geratu ginen hainbesteko istorio eta txontxongilo ederrekin. Zoragarriak!!

2010(e)ko martxoaren 25(a), osteguna

GU ERE SUKALDARI FINAK GARA!!!

Gaur hiru urteko ikasleok sukaldari txapela buruan jantzi dugu eta janari ezberdinak prestatu ditugu. Denetik egin dugu: arrautza frijitua patatekin, saltxitxak, kroketak, espagetiak, kalamarrak,..

Gose ederra pasa dugu egiten aritu garen bitartean. Zuei ere jateko gogoa jarriko zaizue argazkiak ikusitakoan. On egin!!!

2010(e)ko martxoaren 11(a), osteguna

MAZEDONIA

Goizean merkatuan erositako fruta pilarekin arratsaldean mazedonia prestatu genuen. Sukaldeko mantala eta txapela jantzi eta frutei azala kentu eta zatitu egin genituen. Ontzi batean nahastu, azukrea bota eta... barrura! Bai goxoa zegoela, ez genuen ezer ere utzi!

MERKATUA EROSKETAK EGITERA

Astearte goizean herriko merkatura joan ginen erosketak egitera. Ez genuen lan makala, 4 sagar, 4 platano eta 4 laranja erosi behar genituen-eta. Erosketak egin, ordaindu eta, bide batez, mertuan salgai zeuden gauzak ikusi genituen. Arropak, goxokiak, pastelak, barazkiak, alfonbrak... zenbat gauza! Jator-jator ibili ginen eta oso gustura itzuli ginen ikastolara.