LH1 - DENBORAREN MAKINA

Kaixo!!


Maddalen eta Ferminek birraitonaren denboraren makina konpondu zutela ikusi genuenean, , guk ere gure denboraren makinak asmatu eta eraikitzeari ekin diogu.

Lan hau elkarlanean egin dugu, begira ze makina zoragarriak egin ditugun!!....Martxan jarri eta bidaiatzeko prest gara!

Ikastolako marmelada.

Bazkardoko sagarrondoak emandako fruitu goxoekin, marmelada egin dugu.

"Sagar gorri, sagar hori, barrua duzu zuri-zuri,
gozo-gozoa, bizi-bizia.
Azala, mamia eta hazia.
Sagar gorri, sagar zuri,
kozka egingo dizut geroxeago zuri!!!"

---

”Aldapeko sagarraren, adarraren puntan, puntaren puntan
txoria zegoen kantari.

Xiru-liruli, xiru-liruri, nork dantzatuko ote du
soinutxo hori?”

Bi urtekoak ikastola ezagutzen

Kaixo denoi!

Zer moduz zabiltzate lagunak? Gu primeran gabiltza ikastola ezagutzen. Bi urteko lagun berriak txoko asko ezagutu ditugu eta primeran pasatzen ari gara. Ikusi, ikusi...

5 URTEKO HAURREN MATERIAL ERAKARGARRIA

Irailean hasi genuen ikasturte berria eta 5 urteko gelako haurrak gustura dabiltza txoko desberdinetako materialarekin jolasean. Material erakargarriak, interesgarriak eta aldi berean edukiz beterikoak. Eta oraindik ikasturtea hasi besterik ez dugu egin. Zenbat gauza eta material berri duten oraindik deskubritzeko, manipulatzeko, arakatzeko eta esperimentatzeko. Zirkulazio librerako prestatutako espazioak dira, ondo hausnartu eta hautatutako materialekin. Ikusi dezakezuen bezala, ikasturte polita dugu aurretik!

HONDARRIBIKO AIREPORTUAN...

Kaixo!!

Zer moduz hasi dituzue oporrak? Gu jada lanean ilusioz eta gogoz hasiak gara!!

Opor hauetan, agian Hondarribiko aireportutik pasa zarete batzuk , beste batzuk ez baina jakin  bertan iaz LH2. mailakoen bisitan egindako marrazkiak jarri dituztela ikusgai.

Zenbat bidaiarik ikusiko zituzten jada gure artisten marrazkiak!!

Agur 2.maila!

Kaixo familiak!
Oporrak hemen ditugu jada eta horrekin bigarren mailari agur esan diogu.Hori ospatzeko guztiak elkartu eta merendola goxo batekin ospatu dugu.
Udara ona pasa !!

Parkeaz gozatu, parkea txukundu

Ikasturte honetan hainbatetan izan dugu Ikastola ondoko parke berriaz gozatzeko aukera. Primeran pasatu dugu tirolinan, hondarretan, jolasean...eta amaitu aurretik txukun-txukun utzi nahi izan dugu.
Salabardoak, erratzak, bahea, iragazkiak... hartu eta garbiketa lanetan aritu gara!

Denon ardura da parkeaz gozatu eta zaintzea!