ORBELA ETA HOSTOAK UDAZKENEAN

Udazkena dela eta, kalera atera gara hostoak eta orbela ikustera. Bueltatxo bat eman ondoren, hosto asko ikusi genituen zuhaitzetatik eroriak zeudenak kaleko bazter guztietan eta gelan orbela zer den ikasi ondoren, zapaltzen eta hostoak airean botatzen ibili ginen. Eguraldi ederra egiten zuen eta udazkeneko arratsalde bikaina pasa genuen hostoen artean!

AIZKOLARIAK

Hemen ikusten dituzue 4 urteko ikasleak aizkolari bihurturik. Begira zein ondo mozten dituzten zuhaitzak!!!

--

OSTADARRA

HH 4 urteko ikasleek sekulako artelana egin dute. Hurritz makilak bildu eta margotu egin dituzte ixipuak erabiliz. Kolorez jantzi dituzte eta ostadarraren itxura eman diote basoari. Ederra lana!

GURASOENTZAT KANTU ETA JOLASEN IKASTAROA

Haur Hezkuntzako 2 urteko ikasleen guraso talde batek kantu eta jolasen ikastaroan parte hartu du. Giro ederra izan dute eta ederki pasa dute umeekin jolasean. Etxean edo kalean umeekin kantatu eta jolastu ahal izateko aukera zabalagoa dute orain. Zeinen ondo!

ETXEAK AZTERTZEN

4 urteko ikasleak herrian zehar ditugun etxe mota ezberdinak ikustera irten gara. Baserri formako etxe sendo eta ederrak ikusi ditugu eta baita solairu pila bat eta leiho pila bat dituzten etxe erraldoiak. Gelako batzuk baserri formako etxeetan bizi gara eta beste batzuk kaleko etxe handietan. Zenbat dakigun!

FRANK ETA LOLA IKASTOLAN

Gaur “bixita” berezia izan dugu.Intzaren etxean bizi diren Frank eta Lolak gurekin pasa nahi zuten ostiraleko arratsaldea. Beraiekin berriketan ibili ondoren , txintxo-txintxo  egon dira gu lanean ari ginen bitartean.

Etor daitezela nahi dutenean berriro,  gustura ikusiko ditugu eta!

EUSKADI-BRASIL

Kaixo lagunak!

Oporretatik bueltan berriro jarri gara lanean jo ta ke..baina oporretan ere ez gara Brasilera joan zitzaigun gure lagun Ingez ahaztu. Gauzak horrela, zer hobeto berari deitu eta gure oporren berri ematea baino!. Bejon deizula Inge!!MUAAAAAAAAA