Bazkardoko Txokoa

2012(e)ko martxoaren 30(a), ostirala

HH 4 ANTZERKIAK

HH urteko ikasleak Martin Txikiren antzerkia eta ingleseko The Monster abestia antzeztu zuten.

Hemen dituzue bideoak ikusgai:

HH 4A

HH 4B

HH 4D

2012(e)ko martxoaren 29(a), osteguna

Bai, gorputza zaintzeko ondo elikatu gara eta baita kirola egin ere. Antzinako Greziarren arrastoari jarraituz 1. mailakoak lehiaketan aritu gara, hainbat kirol- jolas egiten: maratoia; luzera jauzia; disko jaurtiketa; lokotxak eta zalu lasterketa.

HAMAIKETAKO OSASUNTSUA

Gure gorputza ezagutu eta osasuntsu zaintzeko, ohitura egokiak landu ditugu. Elikagaien piramidearen laguntzaz, hamaiketako osasuntsua prestatu dugu guztion artean.

2012(e)ko martxoaren 2(a), ostirala

TXIRULA IKASTEN!

Argazkietan ikusten duzuen bezala, hasi gara txirula jotzen ikasten! Atzo izan genuen gure asteroko saioa eta Alainek sorpresa ederra eman zigun: txirula jotzen ikasten hasi ginen! Hasieran ez omen da oso txukun aterako, baina gu ikasle fin eta langileak garenez, laster oso abesti politak ikasiko ditugu. Gero etxean joko ditugu zuek entzuteko, ados? Bitartean ikastolan lan eta lan jarraituko dugu.

Muxuak denei eta hurrengora arte!

2012(e)ko otsailaren 15(a), asteazkena

EDABE MAGIKOA

Tzingili,tzangala,tzingili,tzangala…tzingili tzangala..tzankalon!!! Sorginen hitz magikoak esan eta edabe magikoa egin genuen gelan. Hasieran beldur pixka bat pasa genuen baina den-dena edan eta sorgin bihurtu ginen arratsalde batez!

2012(e)ko otsailaren 11(a), larunbata

SAN BLAS OPILAK

Ohiturei jarraituz, otsailaren 3an San Blas opilak egin genituen ikastolan. Andereñok osagaiak zeintzuk ziren esan zigun eta dena nahastuta guk bakarrik egin genuen opilak egiteko behar genuen masa. Honetarako, azukrea, irina, arrautzak, legamia eta gurina erabili genuen. Labean sartu ondoren, San Blas opil bikainak jan genituen. Oso goxoak zeuden eta asko gustatu zitzaizkigun! Animatu zuek ere etxean egitera.

2012(e)ko otsailaren 7(a), asteartea

ESPAZIOTIK BUELTAN!

Urte berri on denei!

Oporrak bukatu zirenetik, espazioan ibili gara batera eta bestera eta han internetik ez dagoenez, ezin izan ditugu gure abenturak hemen erakutsi! Asko gozatu dugu planetak, izarrak, sateliteak eta gainontzeko gauza guztiekin. Gauza asko ere ikasi ditugu: eguzki sistemako planeten izenak, ilargira lehen aldiz joan zireneko astronatutenak... Hala ere beti Ilargian egotea ez dela komeni diote irakasleek eta bueltan etortzea pentsatu dugu. Argazkian, plastikan collage teknika erabiliz egindako lana ikusi dezakezue, polita e?

Laster arte denei!