Bazkardoko Txokoa

2015(e)ko otsailaren 23(a), astelehena

2. mailakoak unibertsoa ezagutzen

Kaixo lagunok!

Bederatzi, zortzi, zazpi, sei….! eta horrela Eureka Zientzia museora iritsi ginen.

A ze gauza dibertigarriak egin genituen bertan eta gelan ikasitako gauza askori buruzko informazioa ere jaso genuen.

Planetarioan unibertsoari buruzko kontuak ikusi eta entzun genituen: izarrak, planetak , lurrari buruzko ikuspegi fisikoa (lurra espaziotik ilusita), sateliteak, astronautak…

Bestalde unitate didaktiko honi dagokionean, Eguzki Sistema zintzilikari dotore bat sortu dugu denon artean.

Museoan esperimentatzen ibili ginen tramankulu batetik bestera: xaboiarekin puxika erraldoiak eginez, laberintoan galduz, gure itzalen argazkiak ateraz, ilusio optikoak deskubrituz, benetazko giza garuna ukituz, harrijasotzaileak bezain indartsu bihurtuz, eta abar.

Bai ederki pasa genuela!

2015(e)ko otsailaren 20(a), ostirala

Ba al dakizue nola egiten diren San Blas opilak?

SAN BLAS OPILAK

Guk horrela egin genituen eta ez dakizue zein goxoak atera zitzaizkigun!

- 3 arrautza

- 9 koilarakada azukre

- Legamia

- 80gr. Gurin

- Anisaren esentzia

- Irina

Osagai guztiak nahastu genituen ore sendo baina malgu bat lortu arte. Gero San Blas opilak duen forma eman genien.

Labean sartu genuen eta gainetik azukrea bota.

Mmmm zein goxoak!!!

2015(e)ko otsailaren 13(a), ostirala

BESTE BEHIN ERE, DENON ARTEAN

Egun handia da Ostegun Gizena Bazkardon, urteko handiena, gizenena ziurrenik. Lan asko ekartzen du baina gurasoen laguntzari esker askoz errazagoa izan da aurtengoa ere. Benetan, ESKERRIK ASKO.

Eta behin festa bukatuta, zuen zorion mezuak jasotzen ditugunean, irakasleoi irribarre zabal bat ateratzen zaigu, egindako lanen karga ia ahazteraino. Egindako lana zuek nola baloratu eta eskertzen duzuen jakiteak ez baitu preziorik.

Posta elektronikoz, whatsappez, ahoz zein papereko mezu bide zoriondu gaituzue. Eskerrik asko! Entzun eta irakurri ditugu “primeran egon zineten guztiak, ikasleak, irakasleak…” gisako esaldiak, baita “umeen dantzak zein politak. Badaukazue bai pazientzia!” gisakoak ere. Eta hizpide izan dituzue haurren “ilusioa” eta “poztasuna”, eta baita irakasleok “haurrak pozik egoteko” daukagun “inplikazioa” ere. Datozen egunotan “deskantsatzeko” ere esan diguzue batzuk, eta bai, saiatuko gara. Atseden hartu eta aurtengo ilusio berberaz, hurrengo urtean, beste behin ere, DENON ARTEAN eta DENOK Ostegun Gizen itzela disfruta dezagun.

Ondo pasa eta mila-mila esker.

2015(e)ko otsailaren 6(a), ostirala

INAUTERIAK

Elurra mara-mara eta inauteriak ere bertan ditugu. Hasi gara gelak girotzen.

2015(e)ko urtarrilaren 28(a), asteazkena

Kaixo lagunok!

Urtea bukatu genuen bezala hasi dugu, gure lanean eta jarduera ezberdinetan buru belarri sartuta. Urtea hastearekin batera igerilekuko azken saioak burutu genituen. Hasieran lasai lasai eta errespetuz hasi baginen ere, bukaerarako izurdeen pare aritu gara igerian.

Denborarik galdu gabe, lehen astean bertan Ekainberrin izan ginen, Ekaingo haitzuloa ezagutu ahal izateko eraiki zuten erreplika dotorean. Bertan lehen gizakiek nolako margolanak egin zituzten ikusteko aukera izan genuen. Haiek bai trebeak, lokatza edo ikatza erabiliz benetan margolan harrigarriak egiteko gai ziren!

Azkenik, asko gustatu zaigun gai honi bukaera emateko, gure etxekoei ilusio handiz prestaturiko antzerki bat eskeini genien. Maialen eta Ferminek lehen gizakien garaira eginiko bidaia aprobetxatuz, gure etxekoei hauen bizimodua nolakoa zen erakutsi genien.

2015(e)ko urtarrilaren 23(a), ostirala

EGUNERO-EGUNERO...

Errutinek denbora egituratzen laguntzen digute; horregatik, tarteka egun bereziek eguna aldrebesten badigute ere, egunero-egunero hainbat ekintza errepikatu egiten ditugu.

Batetik, etxean, senide edo lagun artean; bestetik, ikastolan, andereño eta lagunekin batera.

Harrera, jolas librea, marra gorriko berriketak, ekintza gidatuak… horiek denak gure ikastolan egiten ditugunak; ikusi nahi? Hortxe gure lanaren irudiak!!!