EMAKUMEEN NAZIOARTEKO EGUNA

Martxoaren 8an, Emakumeen Nazioarteko Eguna ospatu berri dugu Ikastolan. Arrosa eta leuna (Adela Turín) ipuina erne-erne entzun genuen eta ondoren emakumeak nolakoak diren aipatu genuen, denok berdinak gara eta! Gainera betaurreko more batzuk egin genituen gure gizartea beste begi batzuez begiratzeko eta irakasleek aurpegian emakumearen ikurra egin ziguten. Asko ikasi genuen. Gora emakumeak!!! 

 

 



 

PAPERAREKIN JOLASEAN!

Gela moldatu eta paper ezberdinez bete dugu. Haurrak itxoiten egon dira eta 3 esandakoan aske sentitu dira gelan sartu eta paper artean aritzeko. Beraien aurpegietan plazerra nabarmena da, txunditurik gelditu dira paperak jolaserako ematen duen aukerarekin. Izan ere, soinuak, koloreak, testurak… ugariak dira!

HH 2B

HH 2A

HH 2E

HH 2D

NEGUA IRITSI DA.
Elurra goiko menditan ...eta negua nekez, ari zaigu iristen. HH3 urtekoak negua ekarri dute ikastolara. Plubiometroa eta haize-orratza, elurretako panpinak, izotza....eta neguko argazkiak.

BAZKARDOKO NAGUSIENAK IGERILEKUAN

 LH 2ko ikasleak urteroko igeriketa ikastaroan murgilduta gaude. Asko gustatzen zaigun hilabetea izaten da igeriketa ikastaroarena, nahiz eta denboraz juxtu xamar ibiltzen garen. Iaz bezala aurten ere oso gustura gabiltza eta egunetik egunera gure aurrepenak ikustekoak dira. Igerileku haundian, erraz iristen gara alde batetik bestera eta jauzi egiteko orduan ere teknika bikaina lortzen ari gara! Argazkietan ikusten duzuenez igerilari bikainen itxura dugu.

Egia da negu amaiera euritsua tokatu zaigula gora eta behera aritzeko, baina behin uretan sartuta goxo eta alai ibiltzen gara eta hori da garrantzitsuena!

SAN BLAS

Ummmmm..... ze goxoak San Blas opilak!!!!!!!!

HH4 geletako haurrek San Blas opila egiten ikasi zuten. Baita gero dastatu ere. Izugarri gustatu zitzaien!

GORPUTZA ZAIN DEZAGUN!

Oraingo honetan Maddalenek, Ferminek, Urdintxok eta Poxek ez dute bidaiarik egin, Fermin gaixorik dagoelako. Hala ere, egoera horrek norberaren gorputza eta ohitura osasuntsuak ezagutzeko aukera eman digu.

Egunero elikatu beharra daukagu, gorputzak bere funtzioak behar bezala bete ditzan. Hori dela eta elikagaiak eta horien funtzioak ezagutu eta dieta orekatuaren garrantziaz jabetu gara.

Elikagaien piramidearen laguntzaz, hamaiketako osasuntsua prestatu dugu guztion artean.

Bapo-bapo janez ederki pasa dugu!