DENBORAREN MAKINAK

Lehen Hezkuntza 1. mailako ikasleek “Denboraren makinak” asmatu ditugu taldean modu kooperatiboan .

Lana banatu eta guztien iritziak ematen eta entzuten  aritu gara. Ideiak ez dira falta izan eta sormena nabarmenki azaldu da emaitzetan.

Gure makinak denbora eta espazioan zehar bidaiatzeko dira. Makina koloretsuak, hegalariak, zurrunbilo eta tximista bezain azkarrak.

Prest gaude, Maddalen, Fermin, Urdintxo eta Poxekin batera han eta hemen bidaiatzeko.

 Bat, bi eta hiruuu…………..bagoaaaaazzzzzzzzzz!!!!!!!!!

Andoaingo historia ezagutuz

Maddalen eta Ferminekin batera denboraren makinan sartu eta Erdi Arora abiatu gara oraingoan. Oso gauza interesgarriak ikasi ditugu garai honen inguruan eta gure inguruan ditugun garai bateko eraikuntza eta aztarnek ere interes berezia piztu digute. Aste hontako giro ederra lagun, gure herrian zehar aintzinako erainkuntzak bisitatzera abiatu ginen eta gauza hauen inguruan ere asko dakien gidari ezin hobea izan genuen guk ondo ulertzeko azalpenak ematen.

Eskerrik asko Joxemari!

ONGI ETORRI IKASTOLARA!

Ikastolako txikienak dagoeneko egunerokotasunean erabat murgilduta daude; ikusi bideo polit hau!

BARATZEKO TIPULINAK

Udazkenarekin batera baratzeko barazkiak ere aldatzen ari gara. Merkatura joan eta tipulina landareak erosi ditugu. Ondoren goxo-goxo baratzean landatu ditugu. Begira, begira!

DORTOKAK BAZKARDON

Kaixo lagunok!

Biztanle berriak ditugu Bazkardon! Hondarra,belarra eta egurrezko etxetxo batez hornituriko txokoa prest utzi eta bertan azaldu zaizkigu gaur arratsaldean! A ze sorpresa!
Beraiek bai jakin nora etorri bizitzera...zeinen goxo egongo diren gure artean,primeran zainduko ditugu!

Begira, begira...

Begira, begira zenbat gauza ditugun gure geletan...

Eraikuntzarako: egurrak, lokotxak, pinaburuak, kortxoak, etab. 

Esperimentatzeko berriz, kubo batzuk jarri dizkigute, eta noizean behin, sorpresa ederrak topatzen ditugu bertan!

Zenbakiekin eta hizkiekin jolasean ere saio ugari egiten ditugu.

Zeinen ongi pasatzen dugun eta zenbat ikasten ari garen!! 

ORDUTEGI ZABALEKOAK AZOKAN

Gaur ordutegi zabaleko kuadrila azokara joan gara.
Bertako produktuak ikusi ditugu, fruta erosi dugu eta ondoko parkean hamaiketakoa egin dugu erositakoarekin. Paseo bikaina!